梁振英暗串财政司长曾俊华参选行政长官:团队同事应「責無旁貸,心無二用」

tmp_14684-cy-06-06_9z2k1_1200x0465090906【博闻社】香港特首選戰明朗化,退休法官胡國興今天下午宣布參選特首,盛傳財政司司長曾俊華向中央表明有意參選。尚未正式公布爭取連任的特首梁振英今日出席活動時,公开表态暗串曾俊华,希望管治團隊每一名同事「責無旁貸,心無二用」。

梁振英稱,整個特區政府忙於施政報告及財政預算案,他希望管治團隊每一名同事「責無旁貸,心無二用」,在政府裏面為社會做事,「呢個就係目前我同政府嘅工作,亦都係我對政府入面所有同事嘅期望」,明顯回應曾俊華有意參選的傳聞。

梁振英又主動提及,無論明年7月無論特首是否「換人」,政府都要「換屆」,要求大家「實事求事、對事不對人」,想想特首換人能否駕馭港獨等複雜形勢。

「我哋不妨實事求事、對事不對人咁諗一下,新一屆特區政府,同當時香港社會所面對嘅國際形勢,會唔會因為換屆或者換人,變得冇咁複雜,喺香港要推動港獨嘅人會唔會就咁收手,侮辱自己國家嘅人會唔會因為換屆或者換人而收口。」

他談到土地、房屋問題、甚至醫委會改革等問題,會否因「換人」而改變,「香港社會長期積聚落嘅土地問題同房屋問題,會唔會因為換屆或換人,變得容易咗去解決,新一屆嘅政府、新一屆嘅特區班子,會唔會繼續迎難而上,有勇氣、有決心,去觸動一啲地產市場裏面嘅既得利益,去為大家紓緩,同最終解決住屋問題。譬如話,已經有十五年冇做、呢屆政府做嘅,就係將醫生註冊條例修訂,但係攞到立法會,畀一位立法會議員拉布拉到無疾而終,令病人嘅權益唔能夠得以改善同保護,呢種情況會唔會因為換屆或者換人而有所改善。」

梁振英認為,種種問題在未來數月,有需要以及有時間去思考,「我哋對政府、通過政府裏面嘅工作,對整個社會係有責任。正如我剛才所講,我本人嚟講,現在最關鍵嘅工作,就係心無二用、責無旁貸咁,去做好施政報告,跟住就係財政預算案點去支持施政報告嘅一啲重大舉措。」

图文:立场新闻

Add a Comment

發佈留言必須填寫的電子郵件地址不會公開。